ភ្នំពេញៈ ចំនួនសមាជិករបស់សមាគមសហគ្រិនស្ដ្រីកម្ពុជា (CWEA) បានកើនឡើងដល់១៥០ នាក់
ចាប់តាំងពីការចាប់ផ្ដើមកាលពីឆ្នាំមុន។
ដោយសារមានការបង្ហាញវត្តមានរបស់ស្រ្ដីនៅក្នុង វិស័យឯកជន CWEA បានតភ្ជាប់និងបណ្ដុះបណ្ដាល ស្រ្ដីក្នុងការ ធ្វើអាជីវកម្ម ដែលជា វិស័យមួយនៅតែគ្របដណ្ដប់ដោយបុរស។ អ្នកស្រី សេង តក្កនារី
ប្រធានសមាគម បានប្រាប់ភ្នំពេញប៉ុស្ដិ៍ អំពីវត្តមានរបស់ស្រ្ដីនៅក្នុងការធ្វើពាណិជ្ជកម្ម។
តើហេតុអ្វីចាំបាច់ត្រូវបង្កើត
CWEA?
ស្រ្ដីនៅក្នុងវិស័យឯកជន ជាពិសេសសហគ្រាសមីក្រូ ធុនតូច និងមធ្យមនៅតែជួបការលំបាក។
យើងជាវេទិកាសម្រាប់ស្រ្ដីដើម្បីនិយាយពីបញ្ហានានា
និងការព្រួយបារម្ភ។ បន្ទាប់មកយើងប្រមូលយកបញ្ហាទាំងអស់នោះជូនទៅរដ្ឋាភិបាល។
យើងមិនមានការបង្ហាញដូចនេះពីមុនមកទេ។
ស្ដ្រីមិនមានសំឡេងតែមួយនោះទេនៅថ្នាក់រដ្ឋាភិបាល
លើកលែងតែនៅក្រសួងកិច្ចការនារី។ ប៉ុន្តែមិនតំណាងឲ្យវិស័យឯកជនទេ។
តើមធ្យោបាយអ្វីខ្លះដែលអ្នកស្រីជួយសហគ្រិនទាំងនោះ?
មានបញ្ហាជាច្រើននៅក្នុងដំណើរការសហគ្រាសធុនតូច
និងមធ្យម។ ពួកគេត្រូវការការគាំទ្រពីរដ្ឋាភិបាល ជំនួយបច្ចេកទេស ហេដ្ឋារចនាសម្ព័ន្ធ ។ល។
យើងនឹងជួយដល់ពួកគេឲ្យទទួលបានអ្វីៗគ្រប់យ៉ាងដែលពួកគេ
ត្រូវការ។ យើងនឹងបើកវគ្គបណ្ដុះបណ្ដាលអាជីពស្ដីពីការដឹកនាំក្នុងការ
ចាប់ផ្ដើមអាជីវកម្ម។ CWEA ដើរតួនាទីដ៏សំខាន់តាមការជួយសម្រួលគ្រប់បែបយ៉ាងនៃការកសាង
តម្រូវការ និងសមត្ថភាពអាជីវកម្ម។CWEA ក៏បានជួបជាមួយនឹងគណៈប្រតិភូក្នុងការបង្ហាញពីឱកាសសម្រាប់
បណ្ដាប្រទេសផ្សេងៗទៀតក្នុងការគាំទ្រសហគ្រិនស្រ្ដីកម្ពុជា។
កាលពីឆ្នាំមុន ខ្ញុំមានកិត្តិយសទទួលលោកស្រី
NoeleenHeyzer អគ្គលេខាធិការរងអង្គការសហប្រជាជាតិ
រួមចំណែកការព្រួយបារម្ភរបស់យើង និងស្វែងរកមធ្យោបាយពង្រឹងអំណាចស្រ្ដីជាមួយនឹងអ្នកដឹកនាំ
សហគ្រិនស្រ្ដី។
ហេតុអ្វីក៏ស្ដ្រីជួបការលំបាកក្នុងការក្លាយជាសហគ្រិន?
តាមទិដ្ឋភាពវប្បធម៌ ស្ដ្រីត្រូវតែមានការទទួលខុសត្រូវច្រើន
រួមមានការងារ
និងគ្រួសារ ប៉ុន្តែទទួលបានចំណូលតិចតួច។ ដោយសារបញ្ហានេះហើយ
ពួកគេមានពេលវេលាតិចតួចក្នុងការរៀនសូត្រ
និងចងបណ្ដាញ ពិសេសសម្រាប់ស្រ្ដីមិនមានការអប់រំខ្ពស់នោះទេ វាមានសារៈសំខាន់ចំពោះ CWEA ក្នុងការផ្ដល់សិទ្ធិទទួលបានព័ត៌មានអាជីវកម្ម
និងចំណេះដឹងពីសហគ្រិន។ យើងអញ្ជើញម្ចាស់អាជីវកម្មស្ដ្រីដែលទទួលបានជោគជ័យចូលរួម
ចែករំលែកបទពិសោធតាមសិក្ខាសាលា ដូច្នេះ សមាជិកផ្សេងទៀតអាចរៀនសូត្រតាមបាន។
តើអ្វីជាភាពខុសគ្នានៃការពិបាកដែលសហគ្រិន
ស្រ្ដី និងបុរសជួបប្រទះ?
វាមានការពិបាកខ្លាំងសម្រាប់ស្រ្ដីដោយសារយើងមានចំណេះដឹង
តិចតួចនៅក្នុងការធ្វើអាជីវកម្ម។ យើងមិនចង់ប្រជែងជាមួយនឹងបុរសទេ ដោយគ្រាន់តែបង្ហាញថា យើងអាចដឹកនាំ និងគ្រប់គ្រងអាជីវកម្មបាន។ សង្គម
មិនទាន់ឈានដល់កម្រិតដែលអាចទទួលយកបាននោះឡើយទេ។
បុរសមានភាពងាយស្រួលក្នុងការដោះស្រាយបញ្ហា
ពួកគេនាំយកបញ្ហានេះទៅមន្រ្តី។ បុរសនៅតែមានប្រៀបនៅពេលបើកដំណើរការអាជីវកម្ម។
តើអាជីវករជាស្រ្ដីមានប៉ុន្មានភាគរយដែរ?
គិតមកត្រឹមឆ្នាំ ២០១១ SME ៦៥
ភាគរយគឺជាស្រ្ដីជាអ្នកគ្រប់គ្រង។ ឧស្សាហកម្មឈានមុខគេតែមួយគត់ដែលមានជាង
៣០ ភាគរយនៃសមាជិក
CWEA គឺនៅក្នុងឧស្សាហកម្មអាហារ និងភេសជ្ជៈ។ សម្រាប់អាជីវកម្មធំៗ
ខ្ញុំគិតថា មានតែ ១ ឬ ២
ភាគរយប៉ុណ្ណោះដែលដំណើរការដោយស្រ្ដី។
ស្រ្ដីកំពុងឈានដល់អ្នកគ្រប់គ្រងថ្នាក់កណ្ដាល
ប៉ុន្តែមិនទាន់មាននៅក្នុងថ្នាក់ដឹកនាំកម្រិតខ្ពស់ទេ។
តើ CWEA មានឥទ្ធិពលក្នុងការទាក់ទាញស្រីៗដូចម្ដេច?
យើងមានសកម្មភាពជាច្រើន និងព្រឹត្តិការណ៍និយាយជាសាធារណៈដែលពួកគេអាចចូលរួមបាន។
យើងបង្ហាញដល់ពួកគេពីរបៀបដែលស្រ្ដីអាចធ្វើជាសហគ្រិនបាន
ជាពិសេសស្ត្រីវ័យក្មេងនៅតាមសាកលវិទ្យាល័យ។
យើងចង់ផ្ដល់ដល់ពួកគេនូវរូបភាពពីរបៀបដែលពួកគេស្វែងរក
ក្នុងពេលអនាគតប្រសិនបើពួកគេក្លាយជាសហគ្រិនម្នាក់។
ពួកគេអាចមានតួនាទីគំរូគួរឲ្យកោតសរសើរ។
ការរំពឹងទុករបស់ឪពុកម្ដាយមានការកើនឡើងផងដែរ។
បច្ចុប្បន្ន ឪពុកម្ដាយមានការរំពឹងស្មើគ្នាពីជោគជ័យរបស់កូនប្រុសស្រីរបស់
ខ្លួន។ ពីអតីតកាលឪពុកម្ដាយមានការរំពឹងទុកខ្ពស់សម្រាប់
តែកូនប្រុស។
តើគម្លាត យេនឌ័រនៅក្នុងអាជីវកម្មយ៉ាងណាដែរ?
សមភាពយេនឌ័រនៅកម្ពុជានៅតែតាមមិនទាន់បណ្ដាប្រទេសផ្សេងទៀត
ហើយស្រ្ដីនៅក្នុងអាជីវកម្មនៅទីនេះ
នៅតែជួបការលំបាកជាងអ្នករស់នៅអាមេរិក
និងអង់គ្លេស។ ពិតានកញ្ចក់នៅខ្ពស់ណាស់ ហើយយើងមិនទាន់បំបែកបាននៅឡើយទេ។
យើងមិនមានសមាជិកល្មមដែលអាចបំបែកពិតានកញ្ចក់នោះបាននៅឡើយទេ។
យើងនៅតែធ្វើការតស៊ូក្នុងរយៈពេលពីរបីទសវត្សរ៍ថែមទៀត។
តើអ្នកអាចជួយលុបបំបាត់គម្លាតយេនឌ័របានដូចម្ដេច?
វាជាសំណួរមួយងាយស្រួល ប៉ុន្តែពិបាកឆ្លើយ។ មានវិស័យជាច្រើនដែលយើងត្រូវតែបន្តធ្វើក្នុងការ
ធ្វើឲ្យ
គម្លាតនេះកាន់តែរួមតូច។ តាមរយៈការអប់រំ ការបណ្ដុះបណ្ដាល និងការលើកទឹកចិត្ត យើងស្វែងរកមធ្យោបាយដែលមានលទ្ធភាពជាច្រើនក្នុងការជួយ
ស្រ្ដីតាមដែលយើងអាចធ្វើទៅបាន។ វាមានការពិបាកក្នុងការធ្វើឲ្យគម្លាតនេះរួមតូច
ប៉ុន្តែយ៉ាងហោចណាស់ក៏ CWEA អាចប្ដេជ្ញាសម្រាប់សមត្ថភាពរបស់ស្រ្ដីជាមួយនឹងបណ្ដាប្រទេស
អាស៊ានផ្សេងទៀត។ បើប្រទេសផ្សេងទៀតបើកការិយាល័យថ្មីមួយ
ពួកគេដឹងថា ត្រូវជួបជាមួយ CWEA ដើម្បីណែនាំពួកគេពីសមត្ថភាពនិងទំនាក់ទំនងអាជីវកម្មដែលពួកគេ
ត្រូវការ។
អំណាចសេដ្ចកិច្ចរបស់ស្រ្ដីគឺជាឆ្អឹងខ្នងរបស់សង្គមជាតិ។
វត្តមានរបស់ស្រ្ដីនៅក្នុងវិស័យឯកជន
កំពុងកើនឡើង។ពេលនេះពួកគេមានភាពចេះដឹងកាន់តែច្រើន។
ប៉ុន្តែវាមិនរីកចម្រើនបានលឿនដូចដែលខ្ញុំចង់បាននោះទេ
ប៉ុន្តែយើងកំពុងទទួលបានជាជំហានៗ៕PB
Brunei Amb UN Representative NR Aug 19, 2013
No comments:
Post a Comment